Útleiga sala

Borgarsögusafn Reykjavíkur leigir út sali í Árbæjarsafni fyrir fundi. Kirkjan við Árbæ er leigð út til athafna.

Árbæjarsafnskirkja

Kirkjan á safninu er upprunnin á Silfrastöðum í Skagafirði. Þar var reist torfkirkja árið 1842. Árið 1896 vék hún fyrir nýrri kirkju en viðir hennar voru notaðir til að smíða baðstofu. Baðstofan var tekin niður árið 1959 og viðir hennar fluttir á Árbæjarsafn þar sem þeir voru notaðir til smíði safnkirkju. Meðal þess sem er upprunalegt í kirkjunni er prédikunarstóllinn.

Hægt er að fá kirkjuna leigða til athafna. Sjá gjaldskrá hér.

Kirkjan rúmar 40-50 manns.

Til að fá frekari upplýsingar vinsamlegast sendið póst á netfangið borgarsogusafn@reykjavik.is

 

Dillonshús

Dillonshús var reist árið 1835 á horni Túngötu og Suðurgötu. Húsið dregur nafn sitt af þeim manni sem lét smíða það, Arthur Dillon, en hann kom til Íslands árið 1834. Dillonshús var flutt á Árbæjarsafn árið 1961 og hefur hýst veitingasölu safnsins síðan. Dillonshús hýsir veitingarekstur safnsins yfir sumarmánuðina og gefst gestum kostur á að kaupa þar kaffiveitingar á opnunartíma safnsins frá 11:00 - 17:00.

Mögulegt er að fá húsið leigt til fundahalds á opnunartíma safnsins. Til að fá frekari upplýsingar vinsamlegast sendið póst á netfangið borgarsogusafn@reykjavik.is

Sjá gjaldskrá hér.

 

Kornhúsið

Hægt er að leigja Kornhúsloftið fyrir fundi og þá á opnunartíma safnsins. Salurinn rúmar allt að 50 manns. Sjá gjaldskrá hér.